Almaty qalasynda jasóspirim kóshede kele jatqan egde jastaǵy azamatty soqqyǵa jyqty, dep habarlaidy "Ult aqparat".
Áleýmettik jelide taraǵan videoda jasóspirim "Che tam?" degen sózben er adamnyń aldynan shyǵady da, sóilesip turyp shyqshyttan bir urady. Jábirlenýshi ainalyp ketkende taǵy eki soqqy jasaidy. Er adam jerge sulap túsedi.
Almaty qalalyq politsiia deparatmenti buzaqyny tapqan. Ol 2007 jyly týǵan "J" esimdi kámeletke tolmaǵan jasóspirim bolyp shyqty.
Qazirgi kezde Qylmystyq kodekstiń 293-baby (Buzaqylyq) boiynsha tergeý sharalary bastaldy. Oqiǵanyń mán-jaiy anyqtalyp jatyr. Tiisti saraptamalar taǵaiyndaldy.
Aita keteri, osy qylmys úshin 2 000 ailyq eseptik kórsetkishke (6 900 000 teńge) deiingi mólsherde aiyppul ne sol mólsherde túzeý júmystary nemese alty júz saǵatqa deiingi merzimge qoǵamdyq jumystar, ia bolmasa, eki jylǵa deiingi merzimge bas bostandyǵyn shekteý ne sol merzimge bas bostandyǵynan aiyrý jazasy qarastyrylǵan.
Nazar aýdaryńyz, videoda bylapyt sózder aitylǵan!
