الماتى قالاسىندا جاسٶسپٸرٸم كٶشەدە كەلە جاتقان ەگدە جاستاعى ازاماتتى سوققىعا جىقتى, دەپ حابارلايدى "ۇلت اقپارات".
ەلەۋمەتتٸك جەلٸدە تاراعان ۆيدەودا جاسٶسپٸرٸم "چە تام?" دەگەن سٶزبەن ەر ادامنىڭ الدىنان شىعادى دا, سٶيلەسٸپ تۇرىپ شىقشىتتان بٸر ۇرادى. جەبٸرلەنۋشٸ اينالىپ كەتكەندە تاعى ەكٸ سوققى جاسايدى. ەر ادام جەرگە سۇلاپ تٷسەدٸ.
الماتى قالالىق پوليتسييا دەپاراتمەنتٸ بۇزاقىنى تاپقان. ول 2007 جىلى تۋعان "ج" ەسٸمدٸ كەمەلەتكە تولماعان جاسٶسپٸرٸم بولىپ شىقتى.
قازٸرگٸ كەزدە قىلمىستىق كودەكستٸڭ 293-بابى (بۇزاقىلىق) بويىنشا تەرگەۋ شارالارى باستالدى. وقيعانىڭ مەن-جايى انىقتالىپ جاتىر. تيٸستٸ ساراپتامالار تاعايىندالدى.
ايتا كەتەرٸ, وسى قىلمىس ٷشٸن 2 000 ايلىق ەسەپتiك كٶرسەتكiشكە (6 900 000 تەڭگە) دەيiنگi مٶلشەردە ايىپپۇل نە سول مٶلشەردە تٷزەۋ جٷمىستارى نەمەسە التى جٷز ساعاتقا دەيٸنگٸ مەرزٸمگە قوعامدىق جۇمىستار, يا بولماسا, ەكٸ جىلعا دەيٸنگٸ مەرزٸمگە باس بوستاندىعىن شەكتەۋ نە سول مەرزٸمگە باس بوستاندىعىنان ايىرۋ جازاسى قاراستىرىلعان.
نازار اۋدارىڭىز, ۆيدەودا بىلاپىت سٶزدەر ايتىلعان!
