Almatyda jas aqyndardyń kóshpeli poetikalyq dýeli ótti. Ál-Farabi atyndaǵy Qazaq ulttyq ýniversitetinde ótken jyr keshinde 2018 jyldyń «Poeziia qaǵany men hanshaiymy» anyqtaldy.
Jyl saiyn dástúrli túrde ótetin poetikalyq dýel biyl jyldaǵydan ózgeshe ótti. Bul joly almatylyq jas aqyndar ózara úzdikti anyqtap, jyr saiysyna tústi. Jeńimpaz aqyn «Poeziia qaǵany-2018» ataǵyna ie bolmaq.
Keshke 8 juptan quralǵan 16 aqyn qatysty. Olar:
1) Bekzat Smadiiar – Retbek Maǵaz
2) Jandarbek Jumaǵulov – Nazerke Qabaeva
3) Abylaihan Qýanyshev – Oralhan Zaǵypar
4) Nurtas Turǵanbekuly – Batyrhan Sársenhan
5) Aslan Tilegen – Sandýǵash Serikqyzy
6) Marlen Ǵilymhan – Ásel Káribai
7) Baýyrjan Maitai – Aslan Qýanyshuly
8) Marǵulan Aqan – Aidana Qaisarbekqyzy
Biylǵy dýeldiń ózgesheligine sáikes, osy 16 aqynnyń ishinen 3 jup kelesi kezeńge ótti. Olar:
1) Bekzat Smadiiar – Ásel Káribai
2)Marlen Ǵilymhan – Aidana Qaisarbekqyzy
3) Nurtas Turǵanbekuly – Sandýǵash Serikqyzy
Bul 3 juptan eki jup finaldyq kezeńge ótti. Olar:
1) Bekzat Smadiiar –Marlen Ǵilymhan
2) Ásel Káribai – Sandýǵash Serikqyzy
Qyzyqty jyr keshin qazaqtyń aiaýly aqyny Erlan Júnis júrgizdi.
Dýelge filologiia ǵylymdarynyń doktory, professor Zeinol-Ǵabden Bisenǵali men Baqyt Bedelhan, Almat Isádil, Aqberen Elgezek syndy belgili aqyndar qazylyq etti.
Qazylar tarapynan azdaǵan ózgerister boldy. Iaǵni, negizi keshtiń aty – «Poeziia qaǵany – 2018». Alaida, bul keshke aqyn qyzdar da qatysty. Asyly, poeziia jynysqa bólinbese kerek. Osyny eskerip, qazylar bir «Poeziia qaǵanyn», bir «Poeziia hanshaiymyn» taǵaiyndaýdy jón sanady.
Sonymen, qazylar sheshimimen biraýyzdan Bekzat Smadiiar «Poeziia qaǵany – 2018», al, Ásel Káribai «Poeziia hanshaiymy – 2018» atandy.
Shara sońynda endigi qazylar alqasy «Poeziia qaǵany – 2018» kóshpeli poetikalyq dýelin ótkizýdi Qaraǵandy oblysyna tapsyrdy.
Aita keteiik, bul dýeldiń maqsaty Almaty qalasyndaǵy eń úzdik jas aqyndy anyqtaý bolatyn. Aldaǵy ýaqytta qaraǵandylyq jas aqyndar ózara kim myqtyny anyqtaidy.
