الماتىدا جاس اقىنداردىڭ كٶشپەلٸ پوەتيكالىق دۋەلٸ ٶتتٸ. ەل-فارابي اتىنداعى قازاق ۇلتتىق ۋنيۆەرسيتەتٸندە ٶتكەن جىر كەشٸندە 2018 جىلدىڭ «پوەزييا قاعانى مەن حانشايىمى» انىقتالدى.
جىل سايىن دەستٷرلٸ تٷردە ٶتەتٸن پوەتيكالىق دۋەل بيىل جىلداعىدان ٶزگەشە ٶتتٸ. بۇل جولى الماتىلىق جاس اقىندار ٶزارا ٷزدٸكتٸ انىقتاپ, جىر سايىسىنا تٷستٸ. جەڭٸمپاز اقىن «پوەزييا قاعانى-2018» اتاعىنا يە بولماق.
كەشكە 8 جۇپتان قۇرالعان 16 اقىن قاتىستى. ولار:
1) بەكزات سمادييار – رەتبەك ماعاز
2) جانداربەك جۇماعۇلوۆ – نازەركە قاباەۆا
3) ابىلايحان قۋانىشەۆ – ورالحان زاعىپار
4) نۇرتاس تۇرعانبەكۇلى – باتىرحان سەرسەنحان
5) اسلان تٸلەگەن – ساندۋعاش سەرٸكقىزى
6) مارلەن عيلىمحان – ەسەل كەرٸباي
7) باۋىرجان مايتاي – اسلان قۋانىشۇلى
8) مارعۇلان اقان – ايدانا قايساربەكقىزى
بيىلعى دۋەلدٸڭ ٶزگەشەلٸگٸنە سەيكەس, وسى 16 اقىننىڭ ٸشٸنەن 3 جۇپ كەلەسٸ كەزەڭگە ٶتتٸ. ولار:
1) بەكزات سمادييار – ەسەل كەرٸباي
2)مارلەن عيلىمحان – ايدانا قايساربەكقىزى
3) نۇرتاس تۇرعانبەكۇلى – ساندۋعاش سەرٸكقىزى
بۇل 3 جۇپتان ەكٸ جۇپ فينالدىق كەزەڭگە ٶتتٸ. ولار:
1) بەكزات سمادييار –مارلەن عيلىمحان
2) ەسەل كەرٸباي – ساندۋعاش سەرٸكقىزى
قىزىقتى جىر كەشٸن قازاقتىڭ اياۋلى اقىنى ەرلان جٷنٸس جٷرگٸزدٸ.
دۋەلگە فيلولوگييا عىلىمدارىنىڭ دوكتورى, پروفەسسور زەينول-عابدەن بيسەنعالي مەن باقىت بەدەلحان, المات يسەدٸل, اقبەرەن ەلگەزەك سىندى بەلگٸلٸ اقىندار قازىلىق ەتتٸ.
قازىلار تاراپىنان ازداعان ٶزگەرٸستەر بولدى. ياعني, نەگٸزٸ كەشتٸڭ اتى – «پوەزييا قاعانى – 2018». الايدا, بۇل كەشكە اقىن قىزدار دا قاتىستى. اسىلى, پوەزييا جىنىسقا بٶلٸنبەسە كەرەك. وسىنى ەسكەرٸپ, قازىلار بٸر «پوەزييا قاعانىن», بٸر «پوەزييا حانشايىمىن» تاعايىنداۋدى جٶن سانادى.
سونىمەن, قازىلار شەشٸمٸمەن بٸراۋىزدان بەكزات سمادييار «پوەزييا قاعانى – 2018», ال, ەسەل كەرٸباي «پوەزييا حانشايىمى – 2018» اتاندى.
شارا سوڭىندا ەندٸگٸ قازىلار القاسى «پوەزييا قاعانى – 2018» كٶشپەلٸ پوەتيكالىق دۋەلٸن ٶتكٸزۋدٸ قاراعاندى وبلىسىنا تاپسىردى.
ايتا كەتەيٸك, بۇل دۋەلدٸڭ ماقساتى الماتى قالاسىنداعى ەڭ ٷزدٸك جاس اقىندى انىقتاۋ بولاتىن. الداعى ۋاقىتتا قاراعاندىلىق جاس اقىندار ٶزارا كٸم مىقتىنى انىقتايدى.
