Jolda jarys uiymdastyrǵan eki kóliktiń kesirinen Qulja trassasynda jappai apat boldy, – dep habarlady Sputnik Qazaqstanǵa quqyq qorǵaý organdary.
Kýágerlerdiń aitýynsha, Volkswagen Golf jáne VAZ-2109 avtokólikteri Qulja trassasynyń boiymen soltústik baǵytta kele jatqan.
Golf júrgizýshisiniń sózine qaraǵanda, eki avtokólik – VAZ-21099 jáne basqa sheteldik kólik jarysqan. Gúldala eldi mekenine jetpei, inomarka joldyń qarsy betine shyǵyp, Golf-ti basyp ozǵan. Al VAZ-2109 oń jaq jolaqta kele jatyp, Golf-ti basyp ozǵysy kelgen, biraq onyń aldynda kólik kele jatady, sodan júrgizýshi manevrdiń qaýipsizdigine kóz jetkizbei, shuǵyl sol qatardaǵy jolǵa burylady.
Ol Golf-ti soqqan, sodan keiin kólik qarsy bettegi jolaqqa shyǵyp ketip, Qulja trassasymen ońtústik baǵytta kele jatqan Mitsubishi Galant-qa bar jyldamdyqpen soqtyǵysqan.
Qatty soqqydan Mitsubishi kóligi birneshe ondaǵan metrge ushyp túsip, aǵashqa soǵylǵannan keiin ǵana toqtaǵan.
Jol apaty saldarynan úsh adam – júrgizýshi men Mitsubishi kóligindegi eki jolaýshy, onyń ishinde bir jasar bala zardap shekti.
Jedel járdem dárigerleri alǵashqy meditsinalyq kómek kórsetti, olardyń barlyǵy aýrýhanaǵa jatýdan bas tartyp, oqiǵa bolǵan jerde qaldy.
Politsiia oqiǵanyń mán-jaiyn anyqtap jatyr.
