kollaj: Tengrinews.kz
Áleýmettik jelilerde Almatydaǵy jol-kólik oqiǵasy ornynan túsirilgen kadrlar tarap jatyr. Jol apatynan úsh adam zardap shekti, - dep habarlaidy Tengrinews.kz tilshisi.
Tańerteń almatylyqtar Sain kóshesi boiynda jantúrshigerlik jol apatyna kýá boldy. Kólikterdiń biri aýdarylyp qalǵan.
"2022 jylǵy birinshi iri jol apaty", - dep jazylǵan jazbada.
Almaty Politsiia departamenti málimetinshe, jol apaty 2022 jyldyń 1 qańtarynda tańǵy saǵat 7:00 shamasynda bolǵan.
"Toyota camry kóligin mingen júrgizýshi Sain kóshesimen soltústik baǵytta kele jatyp, №69A mekenjaiyndaǵy úige qarama-qarsy jolda kólikti basqara almai TLC Prado avtokóligimen soqtyǵysqan. Soqqydan TLC Prado aýdarylyp qalǵan. Jol apaty saldarynan Toyota camry jolaýshysy men TLC Prado júrgizýshisi jáne onyń jolaýshysy zardap shekken. Material aýmaǵy boiynsha Áýezov aýdanynyń politsiia bólimine jiberildi", - dedi baspasóz qyzmeti ókilderi.
