Qazaqstanda terrorizmge qarsy operatsiia rejimi toqtatylyp, terroristik qaýip deńgeii tómendedi, dep habarlady UQK.
"Terrorizmge qarsy kúres jónindegi respýblikalyq jedel shtab 2022 jyldyń 26 qańtary saǵat 00.00-den bastap Almaty, Jambyl oblystary men Almaty qalasynda terrorizmge qarsy operatsiia rejiminiń jáne terroristik qaýiptiliktiń shekti "qyzyl" deńgeiiniń toqtaǵany týraly habarlaidy", - delingen habarlamada.
Osy ýaqyttan bastap bul óńirlerde terroristik qaýiptiń joǵary "qyzǵylt sary" deńgeii belgilenedi.
Nur-Sultandaǵy terroristik qaýiptiń joǵary "qyzǵylt sary" deńgeii jáne Batys Qazaqstan oblysyndaǵy ortasha "sary" deńgeii saqtalady.
2022 jyldyń 26 qańtary saǵat 00.00-den bastap Qaraǵandy oblysynyń Balqash qalasynda jáne Soltústik Qazaqstan oblysynda terroristik qaýiptiń birqalypty "sary" deńgeii toqtatylady.
Qoldanystaǵy shekteýler boiynsha jappai tártipsizdikti uiymdastyrýshylar men oǵan qatysýshylardy anyqtaý boiynsha jedel-izdestirý is-sharalaryn júrgizý jalǵasady.
Qarý men jarylǵysh zattardy tabý maqsatynda quqyq tártibi organdaryna kólikterdiń júrip-turýyna baqylap, olardy tekserýge ruqsat etiledi.
