Almatyda janarmai quiý beketteriniń birindegi kúzetshi-kassirge qaraqshylyq shabýyl jasaldy, dep habarlaidy "Ult aqparat".
Kezekshilikte otyrǵan kassirge «jaǵdaiyn bilý úshin» dosy kelgen. Degenmen birneshe minýttan keiin AJQB qyzmetshisi qan-josa kúiinde jerde qulap jatty.
«Ózara tanys er azamattar jumys ýaqytynda únemi kezdesip, jasyryn túrde ashy sýdan tatyp júrgen. Sol kúni 1980 jyly dúniege kelgen N. esimdi azamat ádettegidei dosynyń jumys ornyna kelip, ekeýi ishken. Keiin AJQB-gi dosynan aqsha suraǵan, ol bermegen. 54 jastaǵy zardap shegýshi burylǵan kezde «seriktesi» nan týraý úshin paidalanǵan pyshaqty moinyna qadaidy. Avtojanarmai beketiniń qyzmetkeri jumysshylarǵa arnalǵan tósekke qulap túsken soń seriktesi aqshanyń qai jerde turǵanyn aitýdy talap etken. Qaraqshy kassadan 40 myń teńgeni alyp, dosyn qan-josa kúiinde tastap ketken», - dep málimdedi Jetisý aýdandyq Politsiia basqarmasynyń politsiia polkovnigi Darhan Musanov.
Jambyl oblystyq departamentindegi áriptestermen birlese jumys isteý barysynda kúdikti ustaldy. Qazirgi ýaqytta ustalǵan N. ýaqytsha qamaý izoliatoryna toǵytyldy.
QR QK 192-baby 2-tarmaǵyna (qaraqshylyq) sáikes, sotqa deiingi tergeý jumysy bastaldy.
