Almatyda jańadan salynyp jatqan turǵyn úi kesheninde órt shyqty. Jalyn 9 qabatty ǵimarattyń ekinshi qabatyn sharpyǵan, dep habarlaidy "Ult aqparat" qalalyq TJD baspasóz qyzmetine silteme jasap.
Oqiǵa ornynan túsirilgen kadrlar áleýmettik jelide jariialanyp jatyr.
"Almaty qalasy TJD órt sóndirý bólimsheleri túski saǵat 14:57-de Bostandyq aýdany, Abai dańǵyly men Qashǵar kóshesiniń qiylysyndaǵy qurylysy júrip jatqan turǵyn úi keshenine jiberildi.
4 minýtta jetken alǵashqy bólimshe 9 qabatty ǵimarattyń 2-qabatynda bolǵan órtti sóndirdi. Órt 15:07-de oqshaýlanyp, 15:13-te tolyq joiyldy", - dep habarlady qalalyq TJD baspasóz qyzmeti.
Zardap shekkender joq. Órttiń shyǵý sebebi anyqtalyp jatyr.
