Foto: videodan alynǵan skrin
Almaty qalasy Politsiia departamentiniń málimetinshe, Kiberqylmysqa qarsy kúres basqarmasy zeinetkerlerge baǵyttalǵan iri internet-alaiaqtyq shemany áshkereledi.
Ózin memlekettik organdardyń qyzmetkeri retinde tanystyrǵan alaiaqtar «qylmyskerlerden qorǵaý» degen jalǵan jeleýmen egde jastaǵy áielge qolynda bar qarajatyn «qaýipsizdik úshin» berý kerektigin aitqan. Zeinetker alaiaqtarǵa 30 myń AQSh dollary men 20 million teńge kólemindegi qarajatty berip jibergen.
Jedel is-sharalar barysynda halyqaralyq qylmystyq toptyń tapsyrmalaryn oryndap júrgen kýrer ustaldy. Jas jigit Qazaqstanǵa telefon jáne onlain-alaiaqtyq qurbandarynan alynǵan aqshalai qarajatty tasymaldaý úshin kelgeni anyqtaldy.
- Alaiaqtar ádeii osal toptardy tańdap, psihologiialyq qysym jasaidy. Operativti sharalardyń nátijesinde qomaqty qarajattyń urlanýyna jol berilmei, aqshany iesine qaitarýǵa múmkindik týdy. Qala turǵyndaryn barynsha saq bolýǵa shaqyramyz: eshbir memlekettik organ aqshany «saqtaýǵa alýdy» talap etpeidi jáne kýrer jibermeidi. Mundai qońyraýlardyń barlyǵy – alaiaqtyq, – dedi Almaty qalasy Kiberqylmysqa qarsy kúres basqarmasy bastyǵynyń orynbasary Erkebulan Qoishybaev.
Eske salaiyq, buǵan deiin Almatyda internet-alaiaqtyqqa paidalanylǵan arnaiy jabdyq tárkilendi.
