فوتو: ۆيدەودان الىنعان سكرين
الماتى قالاسى پوليتسييا دەپارتامەنتٸنٸڭ مەلٸمەتٸنشە, كيبەرقىلمىسقا قارسى كٷرەس باسقارماسى زەينەتكەرلەرگە باعىتتالعان ٸرٸ ينتەرنەت-الاياقتىق سحەمانى ەشكەرەلەدٸ.
ٶزٸن مەملەكەتتٸك ورگانداردىڭ قىزمەتكەرٸ رەتٸندە تانىستىرعان الاياقتار «قىلمىسكەرلەردەن قورعاۋ» دەگەن جالعان جەلەۋمەن ەگدە جاستاعى ەيەلگە قولىندا بار قاراجاتىن «قاۋٸپسٸزدٸك ٷشٸن» بەرۋ كەرەكتٸگٸن ايتقان. زەينەتكەر الاياقتارعا 30 مىڭ اقش دوللارى مەن 20 ميلليون تەڭگە كٶلەمٸندەگٸ قاراجاتتى بەرٸپ جٸبەرگەن.
جەدەل ٸس-شارالار بارىسىندا حالىقارالىق قىلمىستىق توپتىڭ تاپسىرمالارىن ورىنداپ جٷرگەن كۋرەر ۇستالدى. جاس جٸگٸت قازاقستانعا تەلەفون جەنە ونلاين-الاياقتىق قۇرباندارىنان الىنعان اقشالاي قاراجاتتى تاسىمالداۋ ٷشٸن كەلگەنٸ انىقتالدى.
- الاياقتار ەدەيٸ وسال توپتاردى تاڭداپ, پسيحولوگييالىق قىسىم جاسايدى. وپەراتيۆتٸ شارالاردىڭ نەتيجەسٸندە قوماقتى قاراجاتتىڭ ۇرلانۋىنا جول بەرٸلمەي, اقشانى يەسٸنە قايتارۋعا مٷمكٸندٸك تۋدى. قالا تۇرعىندارىن بارىنشا ساق بولۋعا شاقىرامىز: ەشبٸر مەملەكەتتٸك ورگان اقشانى «ساقتاۋعا الۋدى» تالاپ ەتپەيدٸ جەنە كۋرەر جٸبەرمەيدٸ. مۇنداي قوڭىراۋلاردىڭ بارلىعى – الاياقتىق, – دەدٸ الماتى قالاسى كيبەرقىلمىسقا قارسى كٷرەس باسقارماسى باستىعىنىڭ ورىنباسارى ەركەبۇلان قويشىباەۆ.
ەسكە سالايىق, بۇعان دەيٸن الماتىدا ينتەرنەت-الاياقتىققا پايدالانىلعان ارنايى جابدىق تەركٸلەندٸ.
