شىمكەنتتە ەسٸرتكٸنٸ زاڭسىز ساقتاۋ دەرەگٸنە بايلانىستى اۋداندىق پوليتسييا بٶلٸمٸنٸڭ قىزمەتكەرٸ ٸشكٸ ٸستەر ورگاندارىنان تەرٸس قىلىعى ٷشٸن جۇمىستان شىعارىلدى, دەپ حابارلايدى ult.kz.
قالالىق پوليتسييا دەپارتامەنتٸنٸ مەلٸمەتٸنشە, وقيعا ەلەۋمەتتٸك جەلٸلەردە مەملەكەتتٸك نٶمٸرٸ جوق Kia كٶلٸگٸن قۋۋ جەنە ۇستاۋ سەتٸ تٷسٸرٸلگەن بەينەجازبا تاراعاننان كەيٸن بەلگٸلٸ بولدى. جازبا اۆتورلارىنىڭ مەلٸمەتٸنشە, جٷرگٸزۋشٸ پوليتسييا كٶلٸگٸن سوعىپ, وقيعا ورنىنان قاشۋعا تىرىسقان. سونداي-اق كٶلٸك سالونىندا پوليتسەي بولعانى جەنە اۆتوكٶلٸكتٸ تەكسەرۋ كەزٸندە ەسٸرتكٸ تابىلعانى ايتىلعان.
وقيعانىڭ مەن-جايىن ناقتىلاۋ ٷشٸن جولدانعان ساۋالعا جاۋاپ بەرگەن پوليتسييا دەپارتامەنتٸ ەسٸرتكٸنٸ زاڭسىز ساقتاۋ دەرەگٸن راستادى.
ۆەدومستۆونىڭ مەلٸمەتٸنشە, ۇيىمداسقان قىلمىسقا قارسى كٷرەس باسقارماسىنىڭ قىزمەتكەرلەرٸ جەدەل ٸس-شارالار بارىسىندا كٷمەندٸ دەرەكتٸ انىقتاعان. اۆتوكٶلٸكتە ازاماتتىق تۇلعالارمەن بٸرگە اۋداندىق پوليتسييا بٶلٸمدەرٸنٸڭ بٸرٸنٸڭ قىزمەتكەرٸ دە بولعان.
اتالعان پوليتسەي ٸشكٸ ٸستەر ورگاندارىنان تەرٸس سەبەپتەرمەن بوساتىلدى.
قازٸر وقيعاعا قاتىستى تەرگەۋ امالدارى جالعاسىپ جاتىر. بۇرىنعى قىزمەتكەردٸڭ ەرەكەتتەرٸنە دە قۇقىقتىق باعا بەرٸلمەك.
قىلمىستىق-پروتسەستٸك كودەكستٸڭ 201-بابىنا سەيكەس, تەرگەۋ مٷددەسٸنە بايلانىستى ٶزگە اقپارات ەزٸرگە جارييا ەتٸلمەيدٸ.
