Jetisý oblysynda quny 1,5 mlrd teńge bolatyn 2,6 myń tonna altyn quramdy kendi shetelge zańsyz áketý áreketiniń joly kesildi. Shikizattyń naqty quramy kedendik qujattarda jasyrylǵan, dep habarlaidy ult.kz.
Qarjylyq monitoring agenttiginiń baspasóz qyzmetiniń málimetinshe, kendi shetelge shyǵarý kezinde qujattarǵa júk «mys keni men kontsentrattary» dep engizilip, altyn quramdy shikizattyń sipaty búrkemelengen.
Tergeý jáne jedel-izdestirý sharalary barysynda Shyǵys Qazaqstan men Almaty oblystaryndaǵy qoimalardan iri konteinerlerge tielgen 1 myń tonnadan astam shikizat tabyldy.
Zańsyz eksportty uiymdastyrýǵa qatysy bar tulǵalar da anyqtaldy. Olardyń qatarynda «RedGold Mining» JShS eksporttaýshy kompaniiasynyń direktory bar.
Qazirgi ýaqytta eki kúdikti qamaýǵa alynǵan. Sot sanktsiiasymen seriktestiktiń aqshalai qarajatyna tyiym salyndy.
Qarjylyq monitoring agenttigi Qylmystyq-protsestik kodekstiń 201-babyna sáikes tergeýdiń ózge málimetteri jariia etilmeitinin málimdedi.
Aita keteiik, Qazaqstan altyn óndiretin álemdegi úzdik 15 eldiń qataryna kiredi.
