Foto: Pexels.com
Almaty qalasynda zeinetker alaiaqtardyń qurbanyna ainalyp, 100 myń dollarǵa jýyq qarajatynan aiyryldy.
Stan.kz aqparatyna súiensek, ol birneshe nesie alyp, aqshasyn alaiaqtarǵa aýdarýǵa májbúr bolǵan. Bul týraly zeinetkerdiń uly málimdedi.
Oqiǵa barysynda belgisiz er adam ózin qalalyq sý sharýashylyǵy mekemesiniń qyzmetkeri retinde tanystyryp, zeinetkerge qońyraý shalǵan. Ol qyzmetti rastaý úshin arnaiy kodty engizý qajettigin aitqan. Keiin basqa bireý halyqqa qyzmet kórsetý ortalyǵynan ekenin aityp, jeke málimetteriniń urlanǵanyn habarlaǵan. Alaiaqtardan taǵy bir qońyraý túskende, ózin "UQK qyzmetkerimin" dep tanystyrǵan adam zeinetkerdiń atyna nesie rásimdelmek ekenin aityp, barlyq aitqanyn oryndaýdy talap etken.
Zeinetker birneshe saǵattyń ishinde alaiaqtarǵa 48 million teńge aýdaryp, eki bankten 5 million teńgege nesie alǵan. Alǵashynda ol oqiǵany otbasyna aitpaǵanymen, qosymsha qarajat talap etilgende, ulynan kómek suraýǵa májbúr bolǵan. Olar politsiiaǵa aryz túsirgenimen, tergeý baiaý júrgizilýde.
Almaty politsiiasy bul jaǵdaiǵa bailanysty qylmystyq is qozǵalǵanyn jáne jedel-izdestirý sharalary bastalǵanyn málimdedi.
