Almatyda 70 jastaǵy áiel kópqabatty turǵyn úidiń besinshi qabatynan qulap, oqiǵa ornynda kóz jumdy. Bul derek boiynsha politsiia tekserý júrgizip jatyr, dep habarlaidy ult.kz.
Almaty qalalyq politsiia departamentiniń málimetinshe, qaiǵyly oqiǵa Bostandyq aýdanyndaǵy turǵyn úi keshenderiniń birinde kúndiz bolǵan.
Aldyn ala málimet boiynsha, besinshi qabattan qulaǵan áiel aýyr jaraqat alyp, jedel meditsinalyq járdem brigadasy kelgenge deiin kóz jumǵan.
Marqumnyń 70 jasta bolǵany jáne sol turǵyn úi kesheninde turǵany belgili boldy. Oqiǵa ornynda politsiia qyzmetkerleri men jedel-tergeý toby jumys istedi.
Qazir politseiler oqiǵanyń barlyq mán-jaiyn anyqtap jatyr. Tergeý aiasynda kýágerlerden jaýap alynyp, beinebaqylaý kameralarynyń jazbalary zerttelip, qajetti protsessýaldyq is-sharalar júrgizilýde.
Politsiianyń málimetinshe, qaiǵyly oqiǵanyń naqty sebebi tergeý barysynda anyqtalady. Marqumnyń jaqyndarynyń aitýynsha, buǵan deiin onyń minez-qulqynan alańdatarlyq ózgerister baiqalmaǵan.
