1 qyrkúiek – Bilim kúnine orai Almatydaǵy №11 mekemede jazasyn ótep jatqan jasóspirimder úshin «Mektebim – meiirimdi mekenim» atty saltanatty is-shara ótti, dep habarlaidy ult.kz.
Polisia.kz málimetinshe, qazir mekeme aýmaǵyndaǵy №32 jalpy bilim beretin mektepte 73 oqýshy bilim alyp jatyr. Munda qazaq jáne orys tilderinde bilim beretin jeti synyp bar. Onyń 50 oqýshysy qazaq, 23-i orys synybynda oqidy.
Is-shara barysynda mekeme ókilderi oqýshylar men ustazdardy jańa oqý jylymen quttyqtap, bilim alýǵa barlyq jaǵdai jasalǵanyn atap ótti. Jasóspirimder oqý quraldarymen tolyq qamtamasyz etilgen.
Mundaǵy oqýshylar mektep baǵdarlamasyn meńgerip, memlekettik úlgidegi attestat alady. Sonymen qatar bilimin jalǵastyryp, kásibi mamandyq igerýge múmkindik berilgen.
Mekeme ókilderiniń aitýynsha, jasóspirimderdiń bilim alýyna jaǵdai jasaý olardyń bostandyqqa shyqqannan keiin qoǵamǵa beiimdelýine yqpal etetin mańyzdy qadamdardyń biri.
