Almatyda qymbat páterler men jeke úilerdiń ieleri biýdjetke 36 million teńge qaryz, - dep habarlaidy kaz.tengrinews.kz Medeý aýdany boiynsha MKB-ǵa silteme jasap.
"Almaty qalasy Medeý aýdany boiynsha Memlekettik kiris basqarmasy múlik pen jerge salyq qaryzyn óndirý jumysyn júrgizip jatyr. Qazirgi kezde qymbat úiler men páterler boiynsha qaryz - 36,2 million teńge. Máselen, Kóktóbe yqshamaýdanynda ornalasqan aýmaǵy 1568,5 sharshy metr, al quny 132,6 million bolatyn záýlim úidiń iesi biýdjetke 1,6 million teńge qaryz. Mundai mysaldar az emes. Sonymen qatar, birneshe páteri bar qaryzdarlar bar", - deidi vedomstvo ókilderi.
Biyl 1 shildege deiin qaryz ótelmegen jaǵdaida qaryzdy kúshtep óndirý úshin materialdar sot organdaryna tapsyrylady. Sonymen birge, banktegi esepshottar boiynsha operatsiialar toqtatylyp, Qazaqstan Respýblikasy aýmaǵynan shyǵýǵa shekteý qoiylady.
"Jeke tulǵalardyń salyq qaryzy qupiia bolyp kelmeitindikten, tizimder 1 shildeden keiin BAQ-ta jariialanady. Bul tizimde Qazaqstanda tanymal bolyp keletin tulǵalar baryn aita ketý kerek. Salyq tóleýge qatysty qolaisyz jaǵdaiǵa ushyramas úshin, Medeý aýdany boiynsha MKB salyqty óz ýaqytynda tóleýge shaqyrady", - deidi basqarma ókilderi.
