Almatyda eki jeńil kólik soqtyǵysyp, eki qyz oqiǵa ornynda qaza tapty. Qaiǵyly jol apaty boiynsha qylmystyq is qozǵaldy, dep habarlaidy ult.kz.
Qalalyq politsiia departamentiniń málimetinshe, jol-kólik oqiǵasy 27 shildede saǵat 03:10 shamasynda Alataý aýdanyndaǵy Rysqulov dańǵyly men Sháripov kóshesiniń qiylysynda bolǵan.
Politsiianyń málimetinshe, Rysqulov dańǵylymen batys baǵytta kele jatqan Suzuki avtokóliginiń júrgizýshisi keri burylmaq bolǵan sátte qarsy baǵytta kele jatqan Mercedes kóligimen soqtyǵysqan.
Apat saldarynan Suzuki júrgizýshisi men onyń jolaýshysy oqiǵa ornynda kóz jumdy. Al kóliktegi taǵy bir jolaýshy men Mercedes júrgizýshisi túrli dene jaraqattarymen aýrýhanaǵa jetkizildi.
– Eki adamnyń qaza bolýyna ákep soqqan jol-kólik oqiǵasy boiynsha qylmystyq is qozǵaldy. Oqiǵanyń barlyq mán-jaiy anyqtalyp jatyr, – dep málimdedi Almaty qalalyq politsiia departamenti.
Tergeý amaldary jalǵasýda.
