الماتىدا ەكٸ جەڭٸل كٶلٸك سوقتىعىسىپ, ەكٸ قىز وقيعا ورنىندا قازا تاپتى. قايعىلى جول اپاتى بويىنشا قىلمىستىق ٸس قوزعالدى, دەپ حابارلايدى ult.kz.
قالالىق پوليتسييا دەپارتامەنتٸنٸڭ مەلٸمەتٸنشە, جول-كٶلٸك وقيعاسى 27 شٸلدەدە ساعات 03:10 شاماسىندا الاتاۋ اۋدانىنداعى رىسقۇلوۆ داڭعىلى مەن شەرٸپوۆ كٶشەسٸنٸڭ قيىلىسىندا بولعان.
پوليتسييانىڭ مەلٸمەتٸنشە, رىسقۇلوۆ داڭعىلىمەن باتىس باعىتتا كەلە جاتقان Suzuki اۆتوكٶلٸگٸنٸڭ جٷرگٸزۋشٸسٸ كەرٸ بۇرىلماق بولعان سەتتە قارسى باعىتتا كەلە جاتقان Mercedes كٶلٸگٸمەن سوقتىعىسقان.
اپات سالدارىنان Suzuki جٷرگٸزۋشٸسٸ مەن ونىڭ جولاۋشىسى وقيعا ورنىندا كٶز جۇمدى. ال كٶلٸكتەگٸ تاعى بٸر جولاۋشى مەن Mercedes جٷرگٸزۋشٸسٸ تٷرلٸ دەنە جاراقاتتارىمەن اۋرۋحاناعا جەتكٸزٸلدٸ.
– ەكٸ ادامنىڭ قازا بولۋىنا ەكەپ سوققان جول-كٶلٸك وقيعاسى بويىنشا قىلمىستىق ٸس قوزعالدى. وقيعانىڭ بارلىق مەن-جايى انىقتالىپ جاتىر, – دەپ مەلٸمدەدٸ الماتى قالالىق پوليتسييا دەپارتامەنتٸ.
تەرگەۋ امالدارى جالعاسۋدا.
