Foto: Almaty ákimdigi
Almatyda kezekti zańsyz nysan buzyldy, - dep habarlaidy «Ult aqparat» qala ákimdiginiń baspasóz qyzmetine silteme jasap.
Almatynyń Qala qurylysyn baqylaý basqarmasynyń málimetinshe, Qairat shaǵyn aýdany, Dáýletkerei kóshesi, 61-úi mekenjaiynda iri kúrdeli qurylym buzyldy. Menshik iesi nysandy ruqsatsyz salǵan.
"Jospardan tys tekserý nátijeleri boiynsha basqarma menshik iesine qatysty qurylys-montaj jumystaryn toqtata turýǵa jáne ýchaskeni bastapqy kúiine keltirýge nusqama bere otyryp, 1-baptyń 316-baby boiynsha ákimshilik sharalar qabyldady. Óz kezeginde menshik iesi nusqamany oryndamady, osyǵan bailanysty is sotqa jiberildi", - delingen habarlamada.
2024 jylǵy 27 naýryzda Túrksib aýdandyq sotynyń sheshimimen basqarmanyń talaby qanaǵattandyryldy. Sot sheshimin oryndaý úshin menshik iesi nysandy óz erkimen buzdy.
