Almatyda zańsyz salynǵan iri kólik jýý nysany súrildi. Bul týraly qala qurylysyn baqylaý basqarmasy málim etti, dep habarlaidy "Ult aqparat".
Sot sheshimimen №1 shaǵynaýdany 95A, mekenjaiynda ornalasqan kólik jýý orny buzyldy.
«Jospardan tys tekserý kezinde №1 shaǵynaýdany 95A, mekenjaiynda 22h9 jáne 4h5 metr jer ýchaskesinde ruqsatsyz qurylys júrgizilgeni anyqtaldy. Biz birden sotqa ÁQBtK-niń 319-baby boiynsha (Óndiristik, turǵyn úi, sharýashylyq, gidrotehnikalyq (sý sharýashylyǵy) nemese turmystyq obektilerdi jerge tiisti quqyqsyz zańsyz salý) boiynsha talap-aryz berdik. Mamandandyrylǵan aýdanaralyq ákimshilik sotynyń sheshimi boiynsha talap aryzdar tolyǵymen qanaǵattandyryldy», - dep habarlady basqarmadan.
Almaty qalalyq Ádilet departamentiniń qyzmetkerleri sot sheshimin oryndai otyryp, nysandy buzdy.
