Almatyda zańsyz oiyn biznesi uiymdastyrylyp kelgen 48 orny anyqtaldy, dep habarlaidy "Ult aqparat".
QR QM Qarjy monitoringi komitetiniń Almaty qalasy boiynsha Ekonomikalyq tergeý departamenti qalalyq prokýratýra ókilderimen birlese otyryp, Almaty qalasyndaǵy zańsyz oiyn zaldaryn anyqtaý boiynsha jumystardy jalǵastyrýda.
«Jyl basynan beri departament qyzmetkerleri 48 zańsyz oiyn biznesin uiymdastyrǵan zaldardy anyqtady (onyń 8 oiyn zaldary, 1 astyrtyn oiynhana), kóleńkeli ainalymnan 100 oiyn terminaly jáne 216 kompiýter tárkilendi, jalpy 28 qylmystyq is qozǵaldy»,– dep habarlaidy qarjy monitorngi komitetiniń baspasóz qyzmeti.
QR «Oiyn biznesi týraly» zańynyń 6-shy baby 2-shi tarmaǵyna sáikes, Qazaqstan aýmaǵynda elektrondy jáne internet oiyndaryn uiymdastyrýǵa tyiym salynǵan.
«Alaida, aǵymdaǵy jyldyń 25 mamyrynda Almaty qalasy boiynsha ekonomikalyq tergeý jáne politsiia departamentiniń qyzmetkerleri júrgizgen jedel izdestirý sharalary barysynda zańǵa qaishy qyzmet etip kelgen elektrondy oiynhana anyqtaldy. Is-shara barysynda elektrondy oiynhananyń ishinen 50 dana kompiýter jáne kóleńkeli ainalymnan 210 000 teńgeden asatyn aqsha tárkilendi»,–dep atap ótti vedomstvanyń baspasóz qyzmeti.
Atalǵan aiǵaq boiynsha QR QK 307 baby 3 bóligi 2 tarmaǵyna sáikes (zańsyz oiyn biznesin uiymdastyrý) sotqa deiingi tergeý amaldary júrgizilýde.
