Almatyda Quramys jáne Shuǵyla shaǵynaýdanynda eki emhananyń, sondai-aq Aqjar shaǵynaýdanynda otbasylyq-dárigerlik ambýlatoriia salynyp jatyr, dep habarlaidy ult.kz.
Quramys shaǵynaýdanynda bir aýysymda 500 adam qabyldaityn emhanany 2026 jyldyń sońyna deiin paidalanýǵa berý josparlanǵan. Qazirgi ýaqytta nysanda árleý jáne qasbetti jańartý jumystary, sondai-aq injenerlik júieler men metall qurylymdaryn montajdaý jumystary júrgizilýde.
Shuǵyla shaǵynaýdanynda da bir aýysymda 500 adam qabyldaityn taǵy bir emhana salynyp jatyr. Qazir munda monolitti jumystar, qabyrǵa qalaý, shatyr ornatý jáne injenerlik jelilerdi tartý jumystary atqarylýda. Qurylysty osy kúzde aiaqtaý josparlanyp otyr.
Aqjar shaǵynaýdanynda bir aýysymda 200 adam qabyldaityn otbasylyq-dárigerlik ambýlatoriia boi kóterýde. Sonymen qatar №7 qalalyq klinikalyq aýrýhanany qaita jańǵyrtý jumystary jalǵasyp jatyr. Jobany 2027 jyly kóktemde aiaqtaý josparlanǵan.
