Almatyda aǵartýshy, etnograf, qoǵam qairatkeri ǵalym Ybyrai Altynsarinniń eskertkishi qoiyldy, dep habarlaidy QazAqparat.
Y. Altynsarinniń 180 jyldyǵyna orai ashylǵan eskertkish Altynsarin kóshesiniń boiynda ornalasqan. Saltanatty sharaǵa Almaty qalasynyń ákimi Baqytjan Saǵyntaev, Qazaqstan Jazýshylar odaǵynyń tóraǵasy Ulyqbek Esdáýlet, Ulttyq ǵylym akademiiasynyń prezidenti Murat Jurynov, ziialy qaýym ókilderi men qoǵam qairatkerleri qatysty.
Is-shara barysynda qala ákimi Baqytjan Saǵyntaev Ybyrai Altynsarinniń murasy tek bir halyq pen etnos úshin ǵana emes, búkil adamzat úshin asa qundy ekenin atap ótti. Almaty ákimi bilim berý salasynyń qala men memleketti damytýdaǵy mańyzyn atap ótti. Sondyqtan Almatyda muǵalimderdi qoldaý, jańa mektepter salý jáne oqý protsesine innovatsiialyq ideialardy engizý boiynsha barlyq sharalar qabyldanýda. Qola men granitten jasalǵan alty metrlik eskertkishtiń avtory Daniiar Sarbasov, Álimjan Toqbaev, Dýlat Úsenbaev jáne Qanat Begýliev.
