الماتىدا اعارتۋشى, ەتنوگراف, قوعام قايراتكەرٸ عالىم ىبىراي التىنساريننٸڭ ەسكەرتكٸشٸ قويىلدى, دەپ حابارلايدى قازاقپارات.
ى. التىنساريننٸڭ 180 جىلدىعىنا وراي اشىلعان ەسكەرتكٸش التىنسارين كٶشەسٸنٸڭ بويىندا ورنالاسقان. سالتاناتتى شاراعا الماتى قالاسىنىڭ ەكٸمٸ باقىتجان ساعىنتاەۆ, قازاقستان جازۋشىلار وداعىنىڭ تٶراعاسى ۇلىقبەك ەسدەۋلەت, ۇلتتىق عىلىم اكادەميياسىنىڭ پرەزيدەنتٸ مۇرات جۇرىنوۆ, زييالى قاۋىم ٶكٸلدەرٸ مەن قوعام قايراتكەرلەرٸ قاتىستى.
ٸس-شارا بارىسىندا قالا ەكٸمٸ باقىتجان ساعىنتاەۆ ىبىراي التىنساريننٸڭ مۇراسى تەك بٸر حالىق پەن ەتنوس ٷشٸن عانا ەمەس, بٷكٸل ادامزات ٷشٸن اسا قۇندى ەكەنٸن اتاپ ٶتتٸ. الماتى ەكٸمٸ بٸلٸم بەرۋ سالاسىنىڭ قالا مەن مەملەكەتتٸ دامىتۋداعى ماڭىزىن اتاپ ٶتتٸ. سوندىقتان الماتىدا مۇعالٸمدەردٸ قولداۋ, جاڭا مەكتەپتەر سالۋ جەنە وقۋ پروتسەسٸنە يننوۆاتسييالىق يدەيالاردى ەنگٸزۋ بويىنشا بارلىق شارالار قابىلدانۋدا. قولا مەن گرانيتتەن جاسالعان التى مەترلٸك ەسكەرتكٸشتٸڭ اۆتورى دانييار سارباسوۆ, ەلٸمجان توقباەۆ, دۋلات ٷسەنباەۆ جەنە قانات بەگۋليەۆ.
