Almatyda Wildberries kompaniiasynyń iri logistikalyq ortalyǵynyń qurylysyna qatysty daýǵa prokýratýra aralasty. Tekserý barysynda nysan aýmaǵynda júrgizilgen tergeý áreketteriniń zańdylyǵyna qatysty máseleler anyqtalǵan, dep habarlaidy ult.kz Bes.media-ǵa silteme jasap.
Oqiǵa qurylys alańyna tintý júrgizilip, jumys tehnikalary mórlengennen keiin bolǵan. Osydan keiin investor óz quqyqtaryn qorǵaýdy surap, Investorlardyń quqyqtaryn qorǵaý komitetine júgingen.
Almaty prokýratýrasynyń tekserýi qurylys jumystaryna qatysty merdiger men qosalqy merdiger arasynda týyndaǵan kommertsiialyq daý bolǵanyn kórsetti. Prokýratýranyń málimetinshe, mundai másele azamattyq sot tártibimen sheshilýi tiis bolǵan.
Qylmystyq is qozǵaýǵa negiz bolmaǵan. Soǵan qaramastan is qozǵalyp, keiin 2026 jylǵy 2 qyrkúiekte qylmys quramy bolmaǵandyqtan toqtatylǵan.
Qazir zańsyz áreketterge jol bergen laýazymdy tulǵalardy tártiptik jaýapkershilikke tartý máselesi qaralyp jatyr.
Investorlar quqyǵyn qorǵaý komitetiniń prokýrory Raýan Álmishevtiń aitýynsha, prokýratýranyń jedel aralasýynyń arqasynda investordyń quqyqtary sotqa deiingi kezeńde qorǵalyp, jobanyń júzege asýyna keri áser etetin jaǵdaiǵa jol berilmegen.
«Qylmystyq-protsestik sharalar bizneske qysym jasaý quraly retinde paidalanylmaýy tiis», – dedi ol.
Qazirgi ýaqytta Wildberries Qazaqstanda shamamen 46 myń sharshy metr qoima jalǵa alyp otyr.
Kompaniia Astana men Almaty mańynda eki iri logistikalyq keshen salyp jatyr. Almaty mańyndaǵy ortalyqtyń aýmaǵy 103 myń sharshy metrdi quraidy. Nysandy 2026 jyldyń sońynda iske qosý josparlanǵan.
Bul jobalar paidalanýǵa berilgennen keiin Wildberries-tiń Qazaqstandaǵy jalpy qoima infraqurylymynyń kólemi 316 myń sharshy metrge deiin ulǵaiady.
