Almatyda qarý ótkizýmen ainalysqan qylmystyq toptyń joly kesildi, dep habarlaidy "Ult aqparat" Ulttyq qaýipsizdik komitetine silteme jasap.
Buryn habarlanǵandai, 27 mamyrda Ulttyq qaýipsizdik komiteti Ishki ister ministrligimen birlesip, Almaty qalasy men Almaty oblysynda arnaiy operatsiia júrgizgen. Nátijesinde eki uiymdasqan qylmystyq toptyń zańǵa qaishy áreketiniń joly kesildi.
«Figýranttardyń turǵylyqty jerin tintý kezinde ártúrli 11 qarý men 200-den astam oq-dári alyndy. Ustalǵan top músheleri sotqa deiingi tergeý protsesinde kinásin moiyndap, tergeýmen yntymaqtasýǵa kelisti. Odan basqa, eki kúdikti buryn jasyrylǵan atys qarýy men oq-dárini erikti túrde beretin boldy» delingen habarlamada.
Atalmysh eki adamnyń kórsetýimen 1 maýsymda Almaty oblysynyń Taldyqorǵan qalasy men Eskeldi aýdanynda patrondary bar «Kalashnikov» avtomaty, «Saiga-410» qylmystyq kesindi karabini jáne kelte ańshy myltyǵy tabylyp, alyndy.
Jedel-tergeý is-sharalary jalǵasyp jatyr.
