Megapoliste Almaty-3 temirjol vokzalyn salý josparlanyp otyr. Bul týraly Almatynyń Bas josparyn túzetýdi talqylaý barysynda «Almatygiprogor-1» kompaniiasy bas direktorynyń orynbasary Altai Satybaldiev málim etti, dep habarlaidy "Ult aqparat".
Bas josparǵa sáikes, Almaty aglomeratsiiasyn damytý boiynsha birqatar jobalardy aýqymdy iske asyrý josparlanǵan, onyń ishinde:
- Almaty-1 jáne Almaty-2 jelisi boiynsha ekinshi joldardy salý;
- Almaty-3 vokzalynyń qurylysy;
- Almaty-1 - Talǵar júk-jolaýshylar temirjol jelisiniń qurylysy;
- Almaty-Uzynaǵash tramvai jelisiniń qurylysy.
Altai Satybaldievtyń aitýynsha, Almaty-3 vokzalynyń qurylysyn buǵan deiin «Qazaqstan temir joly» kompaniiasy usynǵan bolatyn. Bul ulttyq kompaniia úshin qosymsha stantsiia júk aǵynyn túsirý úshin qajet.
«Bul qurylys jolaýshylar tasymaly úshin de mańyzdy. Sondyqtan Sain kóshesi ótip jatqan Boraldai aýmaǵynda magistraldy joldar salýdy jáne qaladan batys baǵytta Almaty-3 vokzalyn salýdy usynamyz. Onda stantsiia bar, tek vokzal salý kerek. Osylaisha búkil batys aýmaqtar qamtylady», - dedi ol.
Temirjol torabynyń jalpy uzyndyǵy 69 shaqyrym. Ol torapqa Almaty-1 jáne Almaty-2 stantsiialaryn qosa alǵanda, toǵyz stantsiia kiredi.
Jeltoqsan aiynda Almaty qalalyq josparlaý jáne ýrbanistika basqarmasynyń basshysy Almashan Ahmedjanov shahardyń bas josparynyń jobasy qashan aiaqtalatynyn aitqan bolatyn.
