Foto: Aleksandr Pavskii / Kazinform
Almaty-3 temirjol vokzaly Alataý aýdanynyń aýmaǵynda salynady. Jańa vokzaldyń jobasyn 2027-shi jylǵa qarai aiaqtaý josparda tur, dep habarlaidy "Ult aqparat" Kazinformǵa silteme jasap.
Almaty ákiminiń orynbasary Asqar Ámrinniń aitýynsha, Alataý aýdanyndaǵy Almaty-3 vokzalynyń qurylysy aglomeratsiiany damytý jónindegi jobalar keshenine kiredi.
Jańa temirjol platformasy júk jáne jolaýshylar leginiń bir bóligin qaita baǵdarlaýǵa, sonymen qatar, ainalymǵa qosymsha jolaýshylar poiyzdaryn qosýǵa múmkindik beredi, sonyń esebinen qalalyq avtojol infraqurylymynyń kólik júktemesi azaiady.
«Vokzal Mádeniet shaǵyn aýdany mańynda salynady. Platformany «Qazaqstan temir joly» salady. Bizdiń basty mindetimiz – egjei-tegjeili josparlaý jobasynda (ETJ) vokzal men vokzal mańyndaǵy alańdy qamtamasyz etý boldy. Qazir tehnikalyq-ekonomikalyq negizdemesi ázirlenýde. Vokzal men alańnyń jobalary boiynsha merzimder - 2026-2027 jyldar dep qarastyryp otyrmyz», – dedi Almaty ákiminiń orynbasary Asqar Ámrin.
Buǵan deiin Almaty josparynyń egjei-tegjeili jańa jobalary bekitilgeni týraly jazǵan bolatynbyz. Jańa joba qalanyń 2040 jylǵa deiingi Bas josparyna sáikes ázirlendi.
