فوتو: الەكساندر پاۆسكيي / Kazinform
الماتى-3 تەمٸرجول ۆوكزالى الاتاۋ اۋدانىنىڭ اۋماعىندا سالىنادى. جاڭا ۆوكزالدىڭ جوباسىن 2027-شٸ جىلعا قاراي اياقتاۋ جوسپاردا تۇر, دەپ حابارلايدى "ۇلت اقپارات" Kazinformعا سٸلتەمە جاساپ.
الماتى ەكٸمٸنٸڭ ورىنباسارى اسقار ەمريننٸڭ ايتۋىنشا, الاتاۋ اۋدانىنداعى الماتى-3 ۆوكزالىنىڭ قۇرىلىسى اگلومەراتسييانى دامىتۋ جٶنٸندەگٸ جوبالار كەشەنٸنە كٸرەدٸ.
جاڭا تەمٸرجول پلاتفورماسى جٷك جەنە جولاۋشىلار لەگٸنٸڭ بٸر بٶلٸگٸن قايتا باعدارلاۋعا, سونىمەن قاتار, اينالىمعا قوسىمشا جولاۋشىلار پويىزدارىن قوسۋعا مٷمكٸندٸك بەرەدٸ, سونىڭ ەسەبٸنەن قالالىق اۆتوجول ينفراقۇرىلىمىنىڭ كٶلٸك جٷكتەمەسٸ ازايادى.
«ۆوكزال مەدەنيەت شاعىن اۋدانى ماڭىندا سالىنادى. پلاتفورمانى «قازاقستان تەمٸر جولى» سالادى. بٸزدٸڭ باستى مٸندەتٸمٸز – ەگجەي-تەگجەيلٸ جوسپارلاۋ جوباسىندا (ەتج) ۆوكزال مەن ۆوكزال ماڭىنداعى الاڭدى قامتاماسىز ەتۋ بولدى. قازٸر تەحنيكالىق-ەكونوميكالىق نەگٸزدەمەسٸ ەزٸرلەنۋدە. ۆوكزال مەن الاڭنىڭ جوبالارى بويىنشا مەرزٸمدەر - 2026-2027 جىلدار دەپ قاراستىرىپ وتىرمىز», – دەدٸ الماتى ەكٸمٸنٸڭ ورىنباسارى اسقار ەمرين.
بۇعان دەيٸن الماتى جوسپارىنىڭ ەگجەي-تەگجەيلٸ جاڭا جوبالارى بەكٸتٸلگەنٸ تۋرالى جازعان بولاتىنبىز. جاڭا جوبا قالانىڭ 2040 جىلعا دەيٸنگٸ باس جوسپارىنا سەيكەس ەزٸرلەندٸ.
