Foto: egemen.kz
Almaty – Bangkok baǵytyndaǵy áýe reisinde sheteldik azamattar tóbelesip qaldy, dep habarlaidy Ult.kz.
Almatydan Tailandqa ushar aldynda tórt sheteldik azamat ushaq ishinde janjal shyǵarǵan. Olardyń ekeýi mas kúide bolǵan, sonyń saldarynan sózge kelip, tóbeleske ulasqan.
Oqiǵa videoǵa túsip qalǵan, reis bir saǵatqa keshiktirilip, janjalǵa qatysqandar borttan túsirildi.
Áýe kemesiniń bortynda buzaqylyq áreket jasaǵany úshin qylmystyq is qozǵaldy. Eki quqyq buzýshy ýaqytsha ustaý izoliatoryna qamaldy, dep habarlady politsiia.
