Almatyda janarmai beketinde drift jasaǵan úsh jigit jaýapqa tartyldy.
Almaty qalalyq PD baspasóz qyzmetiniń habaraýynsha, áleýmettik jelilerdi baqylaý barysynda jastardyń jinalyp alyp drift jasaǵany anyqtaldy. Olardyń bul áreketteri zańsyz bolyp tabylady. Sondai-aq, olar turǵyndardyń narazylyǵyn týdyrdy.
«Beinejazbany zerttep, biz qatysýshylardy ákimshilik jaýapkershilikke tarttyq. Keibir jastardyń kólik júrgizýdi jáne ekstremaldy bolýdy qalaityny túsinikti. Bul áreketteri eshqandai jaǵdaida QR zańdaryna qaishy kelmeýi kerek. Sonymen qatar, áreket arnaiy bólingen jerde emes, adamdar kóp bolatyn janarmai beketiniń aýmaǵynda ótti. Júrgizýshi óziniń kóliginiń eptiligi jáne driftimen kópshiliktiń nazaryn aýdarǵysy keldi. Alaida, quqyq buzýshy bir nárse durys bolmai qalsa, onyń saldary qandai bolatynyn eskermeidi. Mysaly, eger drift kezinde avtokólik adamdar turǵan baǵytqa qarai qozǵalyp ketse nemese kólik qozǵaltqyshtyń qyzyp ketýine bailanysty órt bolyp ketse, onyń ústine janarmai beketinde. Dóńgelektiń astynan ushqan tasta bireýdiń kózine túsýi múmkin, al bul asfalt betine zaqym keltiredi, osynyń ózi ákimshilik quqyq buzýshylyq bolyp sanalady, – dedi Almaty qalalyq PD jergilikti politsiia qyzmeti basqarmasynyń basshysy Manap Sattarov.
Sonymen 1997 jyly týǵan Sh., 1999 jylǵy M. jáne 1997 jylǵy Ch. esimdi jas jigitter QR Ákimshilik quqyq buzýshylyq týraly kodeksiniń 630-baby 1- bólimine (joldardy, temirjol ótpelerin jáne basqa jol qurylystaryn búldirý ) sáikes jaýapkershilikke tartyldy. Jol erejesin qatań saqtaý týraly jastarmen túsindirý áńgimesi ótkizildi. Bul aimaq erekshe baqylaýǵa alyndy.
Aita keteiik, Almatyda túnde saýyq-sairan qurǵan jastardyń videosy kris_p_almaty Instagram paraqshasynda paida boldy. Onda jastardyń arnaiy kostiýmder kiip alyp bilep júrgenderin de kórýge bolady.
