Foto ©️ Tengrinews.kz / Turar Qazanǵapov
Almatyda politsiia jalpy quny 30 million teńge bolatyn úsh sheteldik kólikti urlaǵan kúdiktini ustady, - dep habarlaidy «Ult aqparat» Polisia.kz saityna silteme jasap.
Politsiia sáýir-mamyrda Almatyda jalpy quny 30 million teńgege jýyq bolatyn úsh sheteldik kólikti urlaǵan Almaty oblysy Talǵar aýdanynyń turǵynyn ustady.
"34 jastaǵy er adam páter men úilerden urlyq jasaýmen ainalysqan. Ol basqa qundy zattarmen birge úi ieleriniń kólikteriniń kiltin alyp, urlanǵan kóliktermen qylmys ornynan qashyp otyrǵan. Artynsha qaskúnem qaryzdaryn óteý úshin urlanǵan kólikterdi arzan baǵaǵa satyp jibergen", - delingen habarlamada.
Kúdikti qamaýǵa alyndy. Kólikter zańdy ielerine qaitarylyp, tergeý amaldary júrgizilip jatyr.
