Almaty ákimdigi jumyrtqaǵa ruqsat etilgen bólshek saýdadaǵy shekti baǵanyń merzimin 90 kúnge uzartý týraly sheshim qabyldady, dep habarlaidy "Ult aqparat".
«Almaty qalasy boiynsha áleýmettik mańyzy bar azyq-túlik taýarlarynyń ruqsat etilgen bólshek saýdadaǵy shekti baǵalaryn bekitý týraly» qaýly jobasy «Ashyq» NQA saitynda ornalastyrylǵan.
«Taýyq jumyrtqasy» (I sanat) áleýmettik mańyzy bar azyq-túlik taýarlaryna arnalǵan ruqsat etilgen bólshek saýdadaǵy shekti baǵasy kúntizbe boiynsha 90 kún merzimge on taly 487 teńge mólsherinde bekitilsin», - delingen qujatta.
Qujatta atap kórsetilgendei, jumyrtqaǵa ruqsat etilgen shekti baǵany uzartý týraly sheshim «taýyq jumyrtqasynyń» bekitilgen shekti mániniń (1-kategoriia) 24% -ǵa asýyna, sondai-aq baǵany tómendetý men turaqtandyrýdyń oń tájiribesine bailanysty, iaǵni jumyrtqa qymbattap, baǵany 6 teńgege túsirý kezinde - 491-den 485 teńgege (10 danasy) qabyldandy.
Baǵany ustap turýdyń bul ádisi ózin aqtaǵanyn atap ótken jón. Máselen, shekti baǵalardy engizý kezeńinde baǵalardyń tómendeýi baiqaldy: qaraqumyq jarmasy 5,1% (375-ten 356 teńge / kg-ǵa deiin) jáne shaqpaq qant 2% -ǵa (256 teńgeden 252 teńge deiin - kg,) - delingen túsiniktemede.
Aita ketsek, sáýirdiń basynda osy baǵa 30 kún merzimge bekitilgen bolatyn.
