Almaty ákimdigi jumyrtqaǵa ruqsat etilgen bólshek saýdadaǵy shekti baǵanyń merzimin uzartty, dep habarlaidy "Ult aqparat".
Taýyq jumyrtqasyna (1-sanat) 487 tg/on dana ruqsat etilgen bólshek saýda baǵasynyń qoldanylý merzimi kúntizbelik 30 kúnnen 90 kúnge deiin uzartyldy. Almaty ákimdigi bul sheshimdi baǵany ustap turý jónindegi qalalyq komissiianyń usynymdary negizinde qabyldady.
Baǵalardyń saqtalýyn baqylaýdy Almaty qalasy Kásipkerlik jáne investitsiialar basqarmasynyń mamandary aýdandyq ákimdiktermen birlesip júzege asyrady. Ony saqtamaǵan ári jyl jyl ishinde qaitalaǵandar ákimshilik jaýapkershilikke tartylyp, 100 AEK-ten (291 700 teńge) 200 AEK-ke (583 400 teńge) deiin aiyppul salynady.
Esterińizge sala keteiik, Almaty qalasynda jumyrtqaǵa shekti baǵa 2021 jyldyń 1 sáýirinen bastap engizildi. Bul sharalar naryqtaǵy ónimniń qunyn turaqtandyrý jáne satýshylardyń baǵany negizsiz kóterýine jol bermeý maqsatynda júrgiziledi.
Tiisti qaýly jariialanǵan kúninen bastap kúshine engiziledi.
