Foto: Videodan alynǵan kadr
Almatynyń ortalyǵynda úsh avtobýs pen jeńil mashina soqtyǵysty. Onyń videosy áleýmettik jelide tarady. Beinejazbadan politsiia qyzmetkeriniń bir adamdy kóterip alǵanyn jáne avtobýstan jolaýshylardyń túsip jatqanyn kórýge bolady, dep habarlaidy «Ult aqparat» Kazinformǵa silteme jasap.
Almaty qalalyq politsiia departamentiniń málimetinshe, jol apaty búgin, 13 aqpanda saǵat 09:00 shamasynda Raiymbek dańǵylynda boldy.
«Raiymbek dańǵylymen kele jatqan №54-baǵyttaǵy qoǵamdyq kóliktiń júrgizýshisi aldynda qozǵalyp bara jatqan №133-baǵyttaǵy avtobýspen jáne Nexia markaly mashinamen soqtyǵysqan. Osy kezde 133-shi avtobýs inertsiia saldarynan sol baǵytta kele jatqan №88-shi qoǵamdyq kólikke soǵyldy. Zardap shekkenderge meditsinalyq kómek kórsetildi», - dep habarlady politsiiadan.
Vedomstvodan atap ótkendei, jol apatyna ushyraǵan úsh qoǵamdyq kólik jeke tasymaldaýshylarǵa tiesili.
«Jol -kólik oqiǵasyna qatysty derekti Medeý aýdandyq politsiia basqarmasynyń qyzmetkerleri tekserip jatyr. Oqiǵanyń basqa da mán-jailary anyqtalýda», - dep habarlady qalalyq politsiia departamentinen.
