Almatyda ury ózin kúshpen toqtatpaq bolǵan politseilerdiń birine pyshaq saldy, dep habarlaidy QazAqparat.
Áleýmettik jelide aialdamada er adamdy uryp-soǵyp jatqan sát túsirilgen video tarady.
«Timiriazev aialdamasy. Birneshe er adam bir adamdy soqqyǵa jyqty», - dep jazady jeli qoldanýshy.
Óz kezeginde qalalyq politsiia oqiǵanyń mán-jaiyn túsindirdi.
«Videoǵa ákki uryny ustaý kezi túsip qalǵan. Er adam Almaty aýmaǵynda úsh urlyq jáne bir tonaý jasady degen kúdikke ilindi. Ol - 1989 jyly týǵan Taraz qalasynyń turǵyny. Buǵan deiin ol urlyq jasaǵany úshin birneshe ret sotty bolǵan», - dep habarlady Almaty qalalyq politsiia departamentinen.
Vedomstvonyń málimetinshe, ustaý kezinde kúdikti politsiia qyzmetkerlerine qarsylyq kórsetip, tártip saqshylarynyń birin pyshaqpen jaralady.
Atalǵan derek sotqa deiingi tergep-tekserýdiń biryńǵai tizilimine tirkeldi. Kúdikti ustaldy.
