Foto: polisia.kz
7 Almatyda urlanǵan seifti alyp qashpaq bolǵan kúdikti qolǵa tústi, – dep habarlaidy Ult.kz Polisia.kz-ke silteme jasap.
Almatyda politsiia páterdi tonaǵan kúdiktini ustady. Kúdikti seifti urlap, qaladaǵy qoǵamdyq trolleibýspen alyp ketýge árekettengen. Jedel izdestirý is-sharalary barysynda kriminaldyq politsiia qyzmetkerleri páter urlyǵyna qatysy bar er azamatty anyqtap, ustady. Kúdikti qylmys ornynan ketý úshin eń kútpegen tásilderdiń birin tańdaǵanymen, tártip saqshylary ony der kezinde qolǵa túsirdi.
«Bul kúdiktini ustaý qyzmetkerlerimizdiń jedeldigi men úilesimdi jumysynyń nátijesi. Qazir onyń ózge de uqsas faktilerge qatystylyǵy tekserilýde. Qylmystyń bul túrin ashý boiynsha jumys kúndelikti júrgiziledi jáne biz qala turǵyndarynyń múlkin qorǵaýǵa erekshe nazar aýdarýdy jalǵastyramyz», – dedi Almaty qalasy politsiia departamenti kriminaldyq politsiia basqarmasynyń bastyǵy Ashat Dáýletiiarov.
Politsiia oqiǵanyń barlyq mán-jaiyn anyqtaýǵa baǵyttalǵan tergeý jáne jedel sharalardyń jalǵasyp jatqanyn habarlady.
