Almatyda avtokólikterdiń urlanǵan kólik ainasyn satyp alýshy ustaldy, dep habarlaidy QazAqparat.
Sońǵy bir aida Almaly aýdanynyń aýmaǵynda 30-dan astam urlyq jasaǵan ákki ury qylmys ústinde ustaldy.
«Politsiia bólimshesine Mámetova men Chaikovskii kósheleriniń qiylysynda turǵan kóliktiń ainasy urlanǵany týraly habar kelip tústi. Tergeý toby oqiǵa ornyna jiberildi. Qylmyskerdiń qoltańbasyn eskere otyryp, biz onyń osy aýdanǵa taǵy da urlyq jasaýǵa keletinin bildik. Rasynda solai boldy. Kóp uzamai tártip saqshylary kúdiktini anyqtap, ustady. Er adam qolyndaǵy aiǵaq zattardan qutylýǵa tyrysty. Urlanǵan ainalardy laqtyryp jiberdi», - deidi Almaly aýdandyq politsiia basqarmasynyń bastyǵy Esen Ysqaqov.
Kúdikti 1987 jyly týǵan. Buryn qaraqshylyq jasap, bótenniń múlkin urlaǵany úshin birneshe ret sottalǵan. Osy faktige qatysty QR QK 188-baby 3-bóligi boiynsha sotqa deiingi tergeý bastaldy.
Kúdikti negizinen «Toyota Land Cruiser 200», «Lexus LX 570», «Toyota Camry 55» markaly kólikterdiń búiir ainalaryn urlaýǵa mamandanǵan. Ol qylmystyq jolmen tapqan taýaryn «Kar Siti» saýda úiinde jumys isteitin tanysyna satyp kelgen.
«Urlanǵan ainalardy 32 jastaǵy M. atty azamat satyp alyp, ony basqa satýshylarǵa berip otyrǵan. Osylaisha ol urlanǵan ainalardy qaita satý arqyly ústinen paida kórgen. Qazir onyń ústinen QR QK 196-babynyń 2-bóligi boiynsha qylmystyq is qozǵaldy. Eki kúdikti de ýaqytsha ustaý izoliatoryna qamaldy. Tergeý amaldary júrgizilýde», - deidi Esen Ysqaqov.
