الماتىدا اۆتوكٶلٸكتەردٸڭ ۇرلانعان كٶلٸك ايناسىن ساتىپ الۋشى ۇستالدى, دەپ حابارلايدى قازاقپارات.
سوڭعى بٸر ايدا المالى اۋدانىنىڭ اۋماعىندا 30-دان استام ۇرلىق جاساعان ەككٸ ۇرى قىلمىس ٷستٸندە ۇستالدى.
«پوليتسييا بٶلٸمشەسٸنە مەمەتوۆا مەن چايكوۆسكيي كٶشەلەرٸنٸڭ قيىلىسىندا تۇرعان كٶلٸكتٸڭ ايناسى ۇرلانعانى تۋرالى حابار كەلٸپ تٷستٸ. تەرگەۋ توبى وقيعا ورنىنا جٸبەرٸلدٸ. قىلمىسكەردٸڭ قولتاڭباسىن ەسكەرە وتىرىپ, بٸز ونىڭ وسى اۋدانعا تاعى دا ۇرلىق جاساۋعا كەلەتٸنٸن بٸلدٸك. راسىندا سولاي بولدى. كٶپ ۇزاماي تەرتٸپ ساقشىلارى كٷدٸكتٸنٸ انىقتاپ, ۇستادى. ەر ادام قولىنداعى ايعاق زاتتاردان قۇتىلۋعا تىرىستى. ۇرلانعان اينالاردى لاقتىرىپ جٸبەردٸ», - دەيدٸ المالى اۋداندىق پوليتسييا باسقارماسىنىڭ باستىعى ەسەن ىسقاقوۆ.
كٷدٸكتٸ 1987 جىلى تۋعان. بۇرىن قاراقشىلىق جاساپ, بٶتەننٸڭ مٷلكٸن ۇرلاعانى ٷشٸن بٸرنەشە رەت سوتتالعان. وسى فاكتٸگە قاتىستى قر قك 188-بابى 3-بٶلٸگٸ بويىنشا سوتقا دەيٸنگٸ تەرگەۋ باستالدى.
كٷدٸكتٸ نەگٸزٸنەن «Toyota Land Cruiser 200», «Lexus LX 570», «Toyota Camry 55» ماركالى كٶلٸكتەردٸڭ بٷيٸر اينالارىن ۇرلاۋعا ماماندانعان. ول قىلمىستىق جولمەن تاپقان تاۋارىن «Kaر سيتي» ساۋدا ٷيٸندە جۇمىس ٸستەيتٸن تانىسىنا ساتىپ كەلگەن.
«ۇرلانعان اينالاردى 32 جاستاعى م. اتتى ازامات ساتىپ الىپ, ونى باسقا ساتۋشىلارعا بەرٸپ وتىرعان. وسىلايشا ول ۇرلانعان اينالاردى قايتا ساتۋ ارقىلى ٷستٸنەن پايدا كٶرگەن. قازٸر ونىڭ ٷستٸنەن قر قك 196-بابىنىڭ 2-بٶلٸگٸ بويىنشا قىلمىستىق ٸس قوزعالدى. ەكٸ كٷدٸكتٸ دە ۋاقىتشا ۇستاۋ يزولياتورىنا قامالدى. تەرگەۋ امالدارى جٷرگٸزٸلۋدە», - دەيدٸ ەسەن ىسقاقوۆ.
