Almatyda 11-synyp oqýshylary úshin Ulttyq biryńǵai testileý ótkizý bastaldy, dep habarlaidy "Ult aqparat".
UBT 20-30 qańtar aralyǵynda Almaty qalasynyń bes JOO bazasynda ótedi. Bul rette UBT ótkizý pýnktterinde kúsheitilgen sanitarlyq-epidemiologiialyq talaptardyń saqtalýy qamtamasyz etiledi.
Bilim alýshylar men tárbielenýshilerdiń ómiri men densaýlyǵyn saqtaýdy qamtamasyz etý, sondai-aq COVID-19 ifektsiiasynyń odan ári taralýynyń aldyn alý maqsatynda UBT ótkizýdiń kelesi jospary bekitildi.
UBT ótkizý pýnktterinde uiymdastyrylatyn bolady:
- meditsinalyq pýnkttiń meditsina qyzmetkeri men jedel meditsinalyq kómek brigadasynyń kezekshiligi;
- meditsina qyzmetkeriniń densaýlyq jaǵdaiyna saýalnama júrgizip, dene temperatýrasyn ólshei otyryp, UBT ótkizý pýnktiniń barlyq qyzmetkerlerin kún saiyn aýysym aldyndaǵy filtrdy júzege asyrýy, adamdardyń jinalýyna jol berilmeidi, vestibiýlder men dálizderde adamdardy kútýge jol berilmeidi;
- ishke kirgizer kezde keminde 2 metr áleýmettik qashyqtyqty saqtaý qamtamasyz etiledi, shekteý belgileri ornatylady;
- UBT ótkizý pýnktterinde dezinfektsiialyq tonnelder men aiaq kiimge arnalǵan kilemsheler, sanitaizerler ornatylady;
- shyǵa beriste paidalanylǵan betperdelerge arnalǵan qoqys jáshikteri ornatylady;
- jeldetý rejimin saqtaýdy qamtamasyz ete otyryp, profilaktikalyq tekserý (súzgilerdi aýystyrýdy, aýa ótkizgishterdi dezinfektsiialaýdy qosa alǵanda) júrgize otyryp, jeldetý júieleri men aýany baptaý júieleriniń úzdiksiz jumysyn qamtamasyz etý;
- UBT ótkizý pýnkti qyzmetkerleriniń, testileýge qatysýshylardyń jáne ózge de adamdardyń jeke gigienany saqtaýy úshin tiisti jaǵdailardy qamtamasyz etý (sanitarlyq toraptardyń jumys isteýi, qol jýýǵa arnalǵan qoljýǵyshtardyń, sabyndardyń, bir rettik súlgilerdiń nemese elektr súlgilerdiń, sanitaizerlerdiń bolýy);
- kúnine keminde 2 ret UBT ótkizý boljanatyn barlyq aýditoriialardy olarǵa qosa berilgen nusqaýlyqqa sáikes jýý jáne dezinfektsiialaý quraldaryn qoldana otyryp ylǵaldy tazalyq jumystary júrgiziledi, ǵimarattardy árbir 1,5-2 saǵat saiyn jeldetýdi júzege asyrý qajet.
Budan basqa, UBT ótkizý pýnktterinde úzdiksiz elektrmen jabdyqtaý, sondai-aq qoǵamdyq tártipti, órtke qarsy qaýipsizdikti qamtamasyz etý úshin kezekshilik qamtamasyz etiledi.
UBT ótkiziletin jerlerde infektsiianyń taralý qaýpin boldyrmaý úshin UBT-ǵa qatyspaityn adamdarǵa, onyń ishinde ata-analarǵa da barý usynylmaidy.
Esterińizge sala keteiik, «Ulttyq biryńǵai testileýdi uiymdastyrý týraly» QR Bilim Ministrliginiń 2020 jylǵy 28 qyrkúiektegi №420 buiryǵyna ózgerister men tolyqtyrýlarǵa sáikes UBT 4 ret ótkiziledi (qańtar, naýryz, maýsym jáne tamyz ailarynda). Qoǵamdyq jinalatyn oryndarǵa barý qajettiligin boldyrmaý úshin koronavirýstyq infektsiianyń aldyn alý boiynsha shekteý is-sharalaryn engizýge bailanysty túlekterdiń Ulttyq biryńǵai testileýge qatysýǵa ótinishterin qabyldaý 2020 jylǵy jeltoqsanda ent2020.testcenter.kz saitynda online tirkeý arqyly júzege asyryldy.
