foto:Adil Sadykov
Almatyda biylǵy 1-toqsanynyń qorytyndysy boiynsha megapoliste týristerdiń jalpy sany 473 309 adamǵa jetti. Bul ótken jyldyń osy kezeńimen salystyrǵanda 4,6% kóp. Sheteldik týrister sany 3,4% ósip, 122,8 myń adamnan asty.
Týristik salada jumyspen qamtylǵan halyq sany 2,6% artyp, 80 838 adamǵa nemese Almatynyń eńbekke qabiletti halqynyń jalpy sanynyń 7,4%-na jetti.
Sonymen qatar, 6 aida týrizm salasyna salynǵan investitsiia 2,5 ese ósip, 45,2 mlrd teńgeni nemese negizgi kapitalǵa salynǵan investitsiianyń jalpy sanynyń 6,3% boldy. Osy saladaǵy salyq túsimi eki ese ósti - biyl 1-toqsanynda ol 21,7 mlrd teńgege jetti. Jergilikti biýdjettiń salyq kiristeriniń jalpy kólemindegi túsimniń úlesi 5,2%-dy kórsetti.
Kórsetkishterdiń ósýi Almatynyń týristik destinatsiia retindegi tartymdylyǵynyń artqanyn kórsetedi. Óz kezeginde týristik qyzmet pen infraqurylymǵa suranystyń artýy investorlardy tartady, jańa jumys oryndaryn qurýǵa jáne sapaly qyzmet kórsetýge jeteleidi.
Máselen, biyl maýsym aiynda Almaty halyqaralyq áýejaiynyń jolaýshylar legin 14 mln adamǵa deiin ulǵaitqan jańa terminal ashyldy. Sońǵy 5 jylda Almatyda 1 375 nómirli 14 qonaq úi ashyldy, onyń ishinde jelilik deńgeidegi qonaq úiler (Hilton, Accor jáne InterContinental) bar. 2027 jyly nómirlik qordy 1,5 esege - 17 myń nómirge deiin ulǵaitý josparlanyp otyr.
