Megopolistiń týristik infraqurylymyn damytý boiynsha jasalyp jatqan keshendi jumystardyń sheńberinde Almaty qalasynyń ákimdigi týristik avtobýstarǵa arnalǵan turaqtar uiymdastyratyn boldy, dep habarlaidy "Ult aqparat".
Almaty ákimdigi atap ótkendei, mundai infraqurylymnyń qajettiligi týraly máseleni qalamyzdyń týroperatorlary kópten beri kóterip kelgen. Turaqtar shahar turǵyndary men qonaqtary úshin eń tartymdy oryndarda salynady. Sonyń ishinde:
1. Respýblika alańy (Sátpaev kóshesindegi turaq). Bul jerde eńseli elimizdiń erkindiginiń nyshany bolǵan «Táýelsizdik monýmenti» ornalasqan. Sondai-aq, qalamyzdyń saiasi ortalyqtary – Almaty qalasynyń ákimdigi, Prezident rezidentsiialary osynda.
2. Yqylas atyndaǵy halyq mýzykalyq aspaptar mýzeii (Zenkov kóshesindegi turaq). Bul jerde týrister 28 gvardiiashy-panfilovshylar atyndaǵy saiabaqta serýendep, Voznesensk kafedraldy shirkeýi, Dańq memorialyn kóre alady.
3. Muhtar Áýezov atyndaǵy Qazaq memlekettik akademiialyq drama teatry (Abai dańǵylyndaǵy aialdama). Bul jerde týrister «Jas Otaý» neke saraiy jáne Qazaq memlekettik tsirki ǵimarattarymen tanysa alady.
4. Qazaqstan Respýblikasynyń Tuńǵysh Prezidenti atyndaǵy saiabaǵy (Dýlati kóshesindegi turaq). Dendrosaiabaqta alǵashqy aǵashtardyń birin (emen) Elbasy – Qazaqstannyń Tuńǵysh Prezidenti Nursultan Ábishuly Nazarbaev 2001 jyly ózi otyrǵyzǵan.
Qalamyzdy týrister úshin eń tartymdy ári qolaily etý maqsatyndaǵy jumystar jalǵasatyn bolady.
