2020 jyly Almatyda 2 mln 396 myń sharshy metr turǵyn úi paidalanýǵa beriledi, bul – 22 626 páter, 2062 jeke turǵyn úi, - dep habarlaidy «Ult aqparat».
Onyń ishinde "Nurly jer" memlekettik baǵdarlamasy aiasynda 290 myń sharshy metr turǵyn úi, bul 5206 páter.
"7-20-25" jeńildetilgen ipotekalyq nesieleý baǵdarlamasyn júzege asyrý jalǵasýda, ol boiynsha 76,5 mlrd teńge somasyna 5605 páter satyp alý maquldandy.
Biyl Almaty ákimdigi ǵylym jáne bilim, BAQ, áleýmettik qyzmet salasynda jumys isteitin 35 jasqa deiingi jas qala turǵyndary úshin "Almaty jastary" jeńildetilgen ipotekalyq nesielendirý baǵdarlamasyn iske qosty. Baǵdarlama boiynsha bastapqy jarna páterdiń jalpy qunynyń 10%-yn quraidy. Kredittik shart jyldyq 5% - ben 25 jyl merzimge resimdeledi. Jeńildetilgen sharttardyń arqasynda 894 jas almatylyq meditsina qyzmetkerleri, muǵalimder, JOO men ǴZI oqytýshylary men ǵylymi qyzmetkerleri, mádeniet jáne sport salasynyń qyzmetkerleri, jýrnalister, jazýshylar, Halyqty áleýmettik qorǵaý salasyndaǵy qyzmetkerler kópten kútken páterlerdi bastapqy jáne qaitalama turǵyn úi naryqtarynan satyp aldy.
Jyl sońyna deiin baspanaǵa bir myń jas qala turǵyny ie bolady. Kelip túsken ótinishterdiń sanyn eskere otyryp, bul qala jastary tarapynan suranystyń artqanyn kórsetedi, baǵdarlamany iske asyrý kelesi jyly jalǵasady.
Qazirgi tańda Almaty jastary problemalarynyń biri stýdenttik jataqhanalardyń jetispeýshiligi bolyp otyr.
Osylaisha, "5 áleýmettik bastama" sheńberinde basty mindetterdiń biri stýdentterdiń turatyn oryndarynyń sanyn ulǵaitý jáne barlyq halyqaralyq talaptarǵa jaýap beretin jańa qazirgi zamanǵy ǵimarattar salý bolyp tabylady, olarda jastardyń bilim alýy men jaily turýy úshin barlyq jaǵdai jasalatyn bolady.
"5 áleýmettik bastama" aiasynda 2022 jyldyń sońyna deiin Almatyda 25 joo-da 16 myń oryndyq 38 jataqhana salý josparlanýda. Almaty joǵary oqý oryndary óz stýdentterin turǵyn úimen qamtamasyz etý boiynsha josparly jumys júrgizýde.
Baǵdarlama júzege asyrylǵannan beri qalada 1377 oryndyq 4 jataqhana qurylysy aiaqtaldy. 2020 jyly Kaspii ýniversiteti 200 oryndyq stýdentter jataqhanasyn tolyqqandy qaita jańartýdy aiaqtady, D.Qonaev atyndaǵy Eýraziialyq Zań Akademiiasy jyl sońyna deiin 100 oryndyq zamanaýi jataqhanany paidalanýǵa berdi.
Sondai-aq, ál-Farabi atyndaǵy Qazaq ulttyq ýniversitetinde (1260 oryn) jáne Abai atyndaǵy QazUPÝ-da (370 oryn) jataqhanalardyń qurylysy bastaldy.
Stýdenttik jataqhanalardy salý jáne qaita qurý sapasy boiynsha qazirgi monitoring eki joǵary oqý ornynda, atap aitqanda D.Qonaev atyndaǵy akademiiada jáne Kaspii ýniversitetinde júrgizildi.
Merdigerdiń aitýynsha, D.Qonaev atyndaǵy akademiianyń jataqhanasyn tolyq tapsyrý aǵymdaǵy jyldyń sońyna josparlanyp otyr. Aldyn ala baǵalaý boiynsha qurylys jumystary sapaly oryndaldy jáne barlyq standarttarǵa sáikes keledi.
Kaspii ýniversitetiniń jataqhanasynda ǵimaratty qaita qurý tolyq aiaqtaldy, ár bólmege jeke sanitarlyq toraptar shyǵaryldy, barlyq jihaz ben turmystyq tehnika jańartyldy. Qaladan tys jerlerden kelgen stýdentterdiń turýy úshin qolaily jaǵdailar jasalǵan.
Esterińizge sala keteiik, 2020 jyly Almatyda 2 mln 396 myń sharshy metr turǵyn úi paidalanýǵa beriledi, bul – 22 626 páter, 2062 jeke turǵyn úi. Onyń ishinde "Nurly jer" memlekettik baǵdarlamasy aiasynda 290 myń sharshy metr turǵyn úi, bul 5206 páter. "7-20-25" jeńildetilgen ipotekalyq nesieleý baǵdarlamasyn júzege asyrý jalǵasýda, ol boiynsha 76,5 mlrd teńge somasyna 5605 páter satyp alý maquldandy.
