Almatyda túnde jarys uiymdastyrǵan mototsikl júrgizýshilerine 11 mln teńgeden astam aiyppul salyndy, dep habarlaidy "Ult aqparat".
«Kópshilikti tolǵandyratyn máselelerdiń biri - azamattardyń tynyshtyǵy men demalysyn buzatyn túngi jarys. Osyǵan qarai, Almaty qalasynda 1 tamyzdan bastap qala joldarynda mototsikl men jarys uiymdastyratyn kólik júrgizýshilerin anyqtaý boiynsha jedel aldyn alý sharalary júrgizilýde», - deidi Almaty qalalyq Politsiia departamentiniń basshysy Qanat Taimerdenov.
Onyń aitýynsha, júrgizýshiler mototsiklder men kólikterdiń daýysyn ulǵaitý úshin qozǵaltqyshtaryna ruqsat etilmegen qurylǵylardy paidalanady.
«Jol qozǵalysy erejelerin óreskel buzǵany úshin 405 mototsiklist jáne 320 avtokólik júrgizýshisi ákimshilik jaýapqa tartyldy. 54 mototsikl arnaiy aiyppul turaǵyna qoiyldy. Salynǵan aippul somasy 11 mln teńgeden asady. Bul baǵyttaǵy jumystar jalǵasýda», - dep qortyndylady departament basshysy.
