Almaty qalasynyń taýarlarmen kórsetiletin qyzmetterdiń qaýipsizdigin baqylaý departamenti qazirgi ýaqytta qalada jedel respiratorlyq infektsiialar boiynsha epidemiologiialyq ahýal turaqty ekenin málim etti, dep habarlaidy "Ult aqparat".
Departamenttiń málimetinshe, ótken aptada qala boiynsha JRVI aýrýyna qatysty 1 219 jaǵdai tirkeldi, 100 myń turǵynǵa shaqqandaǵy kórsetkishi - 62-ni quraidy, bul aldyńǵy aptadaǵy kórsetkishten 25% tómen jáne ótken jyldyń osy kezeńimen salystyrǵanda aýrýshańdyq 21% paiyzǵa joǵary. Qazirgi ýaqytta tumaý jaǵdailary tirkelgen joq.
Dúniejúzilik densaýlyq saqtaý uiymynyń boljamy boiynsha 2020-2021jj kúz-qys maýsymynda tumaýdyń A tipti A/Guangdong-Maonan/SWL1536/2019 (H1N1) pdm09, A/Hong Kong/2671/2019 (H3N2), jáne B tipti B/Washington/02/2019 (B/Victoria lineage), B/Phuket/3073/2013 (B/Yamagata lineage) shtamdary ainalymda bolady. Bul shtamdardyń antigenderi dúniejúzilik densaýlyq saqtaý uiymynyń usynysymen tumaýǵa qarsy vakinalardyń quramyna engizilgen.
Jyl saiyn epidemiologiialyq maýsymnyń aldynda respýblika kóleminde, sonyń ishinde Almaty qalasynda osal toptaǵy (meditsina qyzmetkerleri, balalar úii men mektep-internattaǵy balalar, immýn jetispeýshiligi, álsiz jáne jii aýyratyn jasy 6 aidan asqan balalar, qarttar jáne múgedekter úiindegi kontingetter, júkti áielderdi) tumaýǵa qarsy egý júrgiziledi.
Biyl jergilikti ákimshiliktiń qarajatyna osal toptaǵy adamdardy tumaýǵa qarsy egýge 130 myń doza kóleminde úsh valentti Reseide óndirilgen Grippol pliýs vaktsinasy satyp alyndy.
Qalada osal toptaǵy adamdardy tumaýǵa qarsy egý 15 qyrkúiekten bastalady jáne ekpe jumystary 30 qarashaǵa deiin júrgiziledi. Egýden keiin immýnitet 14 kúnnen keiin qalyptasady jáne tumaý maýsymynyń aiaǵyna deiin saqtalady.
Qalalyq epidemiologiialyq qyzmettiń boljamyna sáikes, qarasha aiynyń sońynan bastap JRVI men tumaýdyń kóbeietini boljanyp otyr, aýrýdyń sharyqtaý shegi 2021 jyldyń birinshi toqsanynda bolady.
Qala turǵyndary arasynda JRVI, tumaýdyń aldyn alý jáne epidemiologiialyq jaǵdaidy qalyptastyrý maqsatynda qalada kerekti uiydastyrý, ádistemelik kómek kórsetý jumystary tolyq júrgizilýde.
