Almatyda parkte trotýarmen júrgen júrgizýshi jaýapqa tartyldy, dep habarlaidy QazAqparat. Onyń videosy áleýmettik jelide tarady.
Politsiia qyzmetkerleri tekserý júrgizdi.
«Tekserý nátijesinde quqyq buzýshy anyqtaldy. Ol ÁQBtK 596 babynyń 1-bóliginde «Jol júrý erejelerin buza otyryp, jaiaý júrginshiler jolymen, jol jiekterimen nemese trotýarlarmen júrý» boiynsha kózdelgen ákimshilik quqyq buzýshylyq jasaǵany úshin jaýapqa tartyldy», - dedi Almaty qalalyq Politsiia departamenti bastyǵynyń orynbasary Rýstam Ábdirahmanov.
Aita keteiik, Almaty oblysynda adam qaǵyp, oqiǵa ornynan qashyp ketken júrgizýshi izdestirilip jatyr. Belgisiz kólik Talǵar qalasynyń Mendeleev kóshesimen kele jatyp, 18 jastaǵy jaiaý júrginshini qaǵyp ketti. Aýyr jaraqat alǵan jábirlenýshi sol jerde kóz jumdy.
