الماتىدا پاركتە تروتۋارمەن جٷرگەن جٷرگٸزۋشٸ جاۋاپقا تارتىلدى, دەپ حابارلايدى قازاقپارات. ونىڭ ۆيدەوسى ەلەۋمەتتٸك جەلٸدە تارادى.
پوليتسييا قىزمەتكەرلەرٸ تەكسەرۋ جٷرگٸزدٸ.
«تەكسەرۋ نەتيجەسٸندە قۇقىق بۇزۋشى انىقتالدى. ول ەقبتك 596 بابىنىڭ 1-بٶلٸگٸندە «جول جٷرۋ ەرەجەلەرٸن بۇزا وتىرىپ, جاياۋ جٷرگٸنشٸلەر جولىمەن, جول جيەكتەرٸمەن نەمەسە تروتۋارلارمەن جٷرۋ» بويىنشا كٶزدەلگەن ەكٸمشٸلٸك قۇقىق بۇزۋشىلىق جاساعانى ٷشٸن جاۋاپقا تارتىلدى», - دەدٸ الماتى قالالىق پوليتسييا دەپارتامەنتٸ باستىعىنىڭ ورىنباسارى رۋستام ەبدٸراحمانوۆ.
ايتا كەتەيٸك, الماتى وبلىسىندا ادام قاعىپ, وقيعا ورنىنان قاشىپ كەتكەن جٷرگٸزۋشٸ ٸزدەستٸرٸلٸپ جاتىر. بەلگٸسٸز كٶلٸك تالعار قالاسىنىڭ مەندەلەەۆ كٶشەسٸمەن كەلە جاتىپ, 18 جاستاعى جاياۋ جٷرگٸنشٸنٸ قاعىپ كەتتٸ. اۋىر جاراقات العان جەبٸرلەنۋشٸ سول جەردە كٶز جۇمدى.
