Almatyda trolleibýstyń artqy bóligine jabysyp alǵan adam kópshilikti tańqaldyrdy, dep habarlaidy "Ult aqparat".
Video Instagram jelisindegi paraqshalardyń birinde jariialanǵan.
Politsiia bul derekke qatysty túsinikteme berdi.
«Mundai áreketter - jol qozǵalysy erejesin óreskel buzý sanalady. Ol quqyqbuzýshynyń ózine ǵana emes, jol qozǵalysynyń basqa da qatysýshylaryna qaýip tóndiredi. Bul – durys tendentsiia emes. Politsiia ondai basbuzarlyqqa jol berip qoia almaidy. Jaqyn arada osy derek boiynsha shara qabyldanyp, ekstremal jaýapkershilikke tartylady», - dedi Almaty politsiia departamentiniń resmi ókili Saltanat Ázirbek.
