Almatyda trolleibýs jelilerin jóndegen merdiger kompaniia birqatar buzýshylyqqa jol bergen, dep habarlaidy "Ult aqparat".
Almaty ákiminiń qala kóshelerine jóndeitin merdigerlerge qoiylatyn talapty kúsheitý jáne jol sapasyn arttyrý týraly tapsyrmasy aiasynda Qala qurylysyn baqylaý basqarmasy trolleibýs jelisin jóndeý kezinde jiberilgen kemshilikterdi anyqtady.
«Tekserý nátijesi boiynsha «EC ENERGY Qazaqstan» JShS jumys barysynda zań talaptaryn buzǵany belgili boldy. Atap aitqanda, jobadan aýytqý, transheiany toltyrý tehnologiiasyn durys qoldanbaý, jóndeý jumysy kezinde qorshaýdyń bolmaýy jáne qaýipsizdik sharasynyń saqtalmaýy», - dep habarlady basqarmadan.
Munyń bári kóshelerdegi kólikterdiń júrýine kedergi keltirip, azamattardyń narazylyǵyn týdyrdy.
«Almaty qalasynyń Qala qurylysyn baqylaý departamenti merdigerge qatysty QR Ákimshilik quqyq buzýshylyq týraly kodeksiniń 312-baby 1, 309-bóligi boiynsha shara qoldandy»,– dep atap ótti basqarmadaǵylar.
Basqarma merdiger qaitadan zań buzsa, litsenziiadan aiyryratynyn eskertti. Jańartylǵan jeliniń jalpy uzyndyǵy 128 shaqyrym.
